VLDR

              Page 27b

ING PAMIKATAWAN NANG TAU

NING MAL A KADWANG PERSONA

KING GINU TANG SANTA MARIA

Inyang lelangan ning Ginu,

iting mabilug a yatu,

mebilang anam a libu,

karin ya milyaring tau,

ing sinakup kakatamu.

Ban king uli ning lugud na,

niting sumakup king sala,

lumasa’t paymate ya,

ding tau e na misip la,

king makasirang kaladwa.

Pablasang ala lang agap,

nune magtaksil matuyag,

king kasalanan magbabad,

alang takut agyang ditak,

king Dios a maki dapat.

Lalung malusuk a sala,

dapat ding suli nang Eva,

king karelang pamanyamba,

kareta ning idolatriya,

gagawan da nong Dios da.